Breyting á keppnisreglum BTÍ
Stjórn BTÍ barst ábending um það í janúar að reglur sambandsins væru ekki nógu skýrar um það hvort heimilt væri að börn og unglingar kepptu saman á Íslandsmótum, þar sem annar leikmaðurinn væri að keppa upp fyrir sig í aldursflokki.
Meirihluti stjórnar taldi það til heilla að æfingafélagar geti keppt saman og taldi reglubreytingu stuðla að því að fleiri pör gætu keppt á mótum. Auk þess hefur framangreint fyrirkomulag tíðkast lengi í íþróttinni. Reglugerð um Íslandsmót hefur því verið uppfærð.
