Einn tvíliðaleikur vannst á fyrsta degi EM unglinga
Fyrsti keppnisdagur á Evrópumeistaramóti unglinga í Portugal var í dag, 14. júlí. Yngra liðið spilaði tvo leiki og eldra liðið einn.
Kadett liðið (15 ára og yngri) unnu eina staka leik dagsins, þegar nafnarnir Ingi Darvis Rodriquez og Ingi Brjánsson sýndu hörkubaráttu gegn Slóveníu og unnu tvíliðaleikinn 15-13 í oddalotu. Í einliðaleik spilaði Ingi Darvis við sterkan Slóvena og stóð sig vel. Í leik tvö átti Ísak Indriði Unnarsson hörkuleik sem hann var nálægt því að vinna í sínum fyrsta leik á Evópumóti en Slóveninn hafði betur 3-1.
Kadett liðið lék einnig við lið Írlands og fór sá leikur 3-0 fyrir Írland. Ingi Darvis átti í fullu tré við sinn mann en fann sig ekki nógu vel í leiknum sem endaði 3-1 fyrir Írann.
Junior liðið (16-18 ára) spilaði við Austurríki. Lið Austurríkis í junior er sterkt og lauk leiknum með 3-0 sigri Austuríkismanna. Spilaðu þeir Birgir og Ellert sinn fyrsta landsleik í dag á Evrópumóti og stóðu sig vel í sinni eldskírn. Magnús átti hörkuleik vð þriðja Austurríkismanninn en tapaði 1-3.
Á morgun leikur junior liðið kl. 09.00 við Sviss. Klukkan 13.15 leikur svo kadett liðið við lið Kýpur. Að lokum leikur junior liðið kl. 17.15 við lið Svartfjallalands.
Einnig er sagt frá mótinu og leikjum íslensku strákanna á Facebook síðu BTÍ.
Úrslit úr einstökum leikjum:
Kadett sveinar (15 ára og yngri)
Slóvenía – Ísland 3-1
- Matija Novel – Ingi Darvis Rodriquez 3-0 (11-5, 11-6, 11-8) 1-0
- Ziga Zigon – Ísak Indriði Unnarsson 3-1 (11-8, 11-7, 8-11, 11-9) 2-0
- Aljaz Godec/Matija Novel – Ingi Brjánsson/Ingi Darvis Rodriquez 2-3 (12-10, 7-11, 11-1, 7-11, 13-15) 2-1
- Matija Novel – Ísak Indriði Unnarsson 3-0 (11-3, 11-3, 11-7) 3-1
Ísland – Írland 0-3
- Ingi Darvis Rodriquez – Art McLaughlin 1-3 (11-13, 3-11, 11-9, 4-11) 0-1
- Ingi Brjánsson – Owen Cathcart 0-3 (4-11, 5-11, 1-11) 0-2
- Ingi Brjánsson/Ísak Indriði Unnarsson – Owen Cathcart/Art McLaughlin 0-3 (6-11, 9-11, 6-11) 0-3
Junior drengir (16-18 ára)
Ísland – Austurríki 0-3
- Birgir Ívarsson – Michael Trink 0-3 (4-11, 3-11, 5-11) 0-1
- Ellert Kristján Georgsson – Maciej Kolodziejczyk 0-3 (5-11, 3-11, 4-11) 0-2
- Magnús Gauti Úlfarsson – Christian Friedrich 1-3 (6-11, 6-11, 11-9, 7-11) 0-3
Á forsíðunni má sjá Inga Brjánsson og Ísak Indriða Unnarsson í tvíliðaleik gegn Írlandi.
ÁMU
