Ellert og Ingi Darvis komust í 2. umferð í B-keppninni
Ellert Kristján Georgsson og Ingi Darvis Rodriguez unnu leiki sína í 1. umferð í B-keppninni í einliðaleik drengja á EM unglinga. Ellert lagði Aidan Dwight Mallia frá Möltu 3-0 og Ingi Darvis vann Maksim Vuhka frá Eistlandi sömuleiðis 3-0. Þeir töpuðu svo báðir 0-3 í 2. umferð, Ellert fyrir Jonathan Thimon frá Svíþjóð og Ingi Darvis fyrir Andre Pierre Kases frá Austurríki.
Aðrir leikir íslensku leikmannanna í B-keppninni fóru þannig að Gestur Gunnarsson tapaði 0-3 fyrir Adrian Dillon frá Austurríki, Harriet Cardew tapaði 0-3 fyrir Adríönu Illasovu frá Slóvakíu og Agnes Brynjarsdóttir tapaði 0-3 fyrir Linn Olsson frá Svíþjóð. Tvær af lotunum í leiknum hjá Agnesi töpuðust í framlengingu.
Íslensku keppendurnir hafa þar með lokið keppni á mótinu. Árangur leikmannanna á mótinu var góður. Allir íslensku leikmennirnir unnu leik. Alls unnust þrír landsleikir, sem er meira en oft áður. Ingi Darvis Rodriguez vann flesta leiki íslensku leikmannanna eða 8 alls. sem er líka mikið í sögulegu samhengi. Ellert vann þrjá leiki og Gestur tvo og Agnes og Harriet unnu sinn einliðaleikinn hvor og einn tvíliðaleik saman.
Forsíðumynd af Tómasi Inga Shelton unglingalandsliðsþjálfara að segja Inga Darvis til, tekin af fésbókarsíðu BTÍ.
Á fésbókarsíðunni er frekari umfjöllun um leiki Íslands á mótinu og slóð á myndband, sem Brynjar Ólafsson gerði um þátttakendur Íslands. Slóðin á myndbandið: https://www.youtube.com/watch?v=8sWvy6nA7TA&feature=youtu.be
