Ellert og Sól sigruðu á U21 árs móti KR
Borðtennisdeild KR hélt mót í U21 árs aldursflokki laugardaginn 5. október, og voru þeir leikmenn gjaldgengir sem fæddir voru árið 1999 og síðar.
Ellert Kristján Georgsson, KR og Sól Kristínardóttir Mixa, BH sigruðu á mótinu.
Sól lagði systur sína Alexíu, sem einnig leikur fyrir BH 4-1 (11-9, 11-13, 11-9, 11-7, 11-4) í úrslitaleik. Þær eru fæddar árið 2006 og með yngstu leikmönnum sem kepptu í flokknum á mótinu.
Sól vann Berglindi Önnu Magnúsdóttur úr KR 4-0 í undanúrslitum en Alexía vann Söndru Dís Guðmundsdóttur úr BH 4-1 í hinum undanúrslitaleiknum.
Í karlaflokki sigraði Ellert Kristján Georgsson, KR Gest Gunnarsson, KR 4-1 (11-4, 11-13, 11-6, 11-7, 11-4) í úrslitum. Ellert vann Guðjón Pál Tómasson, KR 4-0 í undanúrslitum en Gestur lagði Jóhannes Kára Yngvason, KR, 4-0 í hinum undanúrslitunum.
Óskar Agnarsson, HK og Kristín Ingibjörg Magnúsdóttir, KR, sigruðu í B-keppninni.
Hamborgarabúlla Tómasar gaf sigurvegurunum úttekt.
Myndir frá Auði Tinnu Aðalbjarnardóttur.
