Fjölmennasta unglingamót keppnistímabilsins á Hvolsvelli
Fjölmennasta mótið í unglingamótaröð BTÍ í haust var haldið í Íþróttamiðstöðinni á Hvolsvelli í dag. Á sjöunda tug keppenda voru skráðir til leiks frá BH, Dímon, Garpi, Heklu, HK, KR og Víkingi. Ekki hafa áður komið fram keppendur frá Heklu á styrkleikalistanum í borðtennis.
KR sigraði í þremur flokkum og Dímon í þremur.
KR-ingarnir Breki Þórðarson og Kári Ármannsson unnu sitt þriðja mót í unglingamótaröðinni og Ólöf Sólveig Ólafsdóttir úr KR sitt annað mót. Nýir sigurvegarar voru í hinum þremur flokkunum: Auður Erla Gunnlaugsdóttir úr Dímon sigraði í flokki stelpna 13-15 ára, Hólmfríður María Þórarinsdóttir úr Dímon í flokki stúlkna 16-18 ára og Sigurður Borgar Ólafsson úr Dímon vann drengjaflokk 16-18 ára.
ÁMU
