Fyrsti sigur íslensku leikmannanna á EM u13

Fyrsti sigur Íslands á EM u13 í Zagreb kom þann 16. júní þegar Guðbjörg Vala Gunnarsdóttir og Kristján Ágúst Ármann lögðu par frá Kosovo 3-0 í 1. umferðinni (128 manna úrslitum) í tvenndarleik. Þau léku í 64 manna úrslitum við par frá Tékklandi og töpuðu þeim leik 0-3, og eru þar með úr leik.

Kristján vann sína fyrstu lotu í einliðaleik þegar hann vann fyrstu lotuna gegn leikmanni frá Slóvakíu en tapaði viðureigninni 1-3.
Aðrir leikir íslensku leikmannanna í einliðaleik og tvenndarleik töpuðust 0-3.

Ísland leikur um 25. sæti í liðakeppni eftir 0-3 tap fyrir Eistlandi í leik um 23.-26. sæti. Leikurinn fer fram 17. júní.

Forsíðumynd úr myndasafni.