Útbreiðslunefnd BTÍ auglýsir eftir áhugasömum einstaklingi í gerð kennsluefnis á íslensku fyrir nýja borðtennisþjálfara. Kennsluefnið er ætlað fyrir nýja- eða reynsluminni borðtennisþjálfara og íþróttakennara með það að markmiði að auðvelda þeim að veita rétta grunnþjálfun og setja sig inn í tæknilegar hliðar íþróttarinnar.

Um er að ræða stutt skjal, 10-20 blaðsíður, sem yrði haft aðgengilegt á vef BTÍ. Í kennslubæklingnum yrði fjallað um helstu reglur í borðtennis, grunnhöggin, hentugar æfingar og leiki fyrir byrjendur, bæði börn og fullorðna. Áhersla er lögð á að hafa myndir af tæknilegum atriðum. Í bæklingnum yrði einnig bent á ítarefni, kennslumyndbönd og annað hentugt efni sem þjálfarar gætu nýtt sér.

BTÍ greiðir 30.000 kr. fyrir gerð bæklingsins. Áhugasamir sæki um á netfanginu utbreidslunefnd@bordtennis.is. Umsóknarfrestur er 10. janúar. Úthlutun verksins fer fram í síðasta lagi 12. Janúar. Öllum umsóknum verður svarað í tölvupósti. Fullbúnu verki skal skilað til Útbreiðslunefndar BTÍ í síðasta lagi fyrir lok janúar.