Góður árangur hjá íslensku liðunum á EM unglinga
Einn einstaklingsleikur vannst á EM unglinga í dag, 9. júlí, þegar Ingi Darvis Rodriguez vann Ethan Walsh frá Englandi í O-riðli. Ritstjóri man ekki hvenær það gerðist síðast (hafi það gerst áður), að íslenskur landsliðsmaður sigraði enskan landsliðsmann í mótsleik. Gestur Gunnarsson vann eina lotu í sínum leik, en leik Íslands og Englands lauk með 3-1 sigri Englands. Liðið tapaði 0-3 gegn Búlgaríu en þar tapaði Gestur í oddalotu gegn Hristo Hristev.
Drengirnir leika við Lettland að morgni 10. júlí, en Lettar hafa tapaði báðum leikjum sínum í O-riðli, eins og Ísland. Vinnist leikurinn við Lettland leikja drengirnir um sæti 37-40 en um sæti 41-44 ef þeir tapa.
Meyjaliðið átti góðan leik gegn Ísrael í P-riðli, þar sem Agnes Brynjarsdóttir tapaði sínum einliðaleik gegn Elinor Davidov í oddalotu. Harriet tapaði sínum einliðaleik 1-3. Skv. fésbókarsíðu BTÍ eru stúlkurnar í framför og bæta sig með hverjum deginum. Þær hafa lokið keppni í riðlinum, og leika um sæti 33-36 þann 10. júlí. Væntanlega mæta þær Austurríki, Möltu og Skotlandi.
Forsíðumynd af fésbókarsíðu BTÍ.
