Guðmundur Stephensen tekur þátt í Íslandsmótinu í borðtennis
Víkingurinn Guðmundur Stephensen, margfaldur Íslandsmeistari í borðtennis, ætlar að taka spaðann af hillunni og taka þátt í Íslandsmótinu í borðtennis 2023. Mótið fer fram í Íþróttahúsinu við Strandgötu í Hafnarfirði 4.-5. mars.
Guðmundur var ósigraður í einliðaleik á Íslandsmótinu í 20 ár, þar sem hann varð Íslandsmeistari árin 1994-2013. Auk þess vann Guðmundur marga titla í tvíliðaleik, tvenndarleik og í deildarkeppni með Víkingi. Hann var atvinnumaður í borðtennis í nokkrum löndum Evrópu.
Guðmundur tilkynnti endurkomu sína í viðtali í þættinum FM95BLÖ á útvarpsstöðinni FM957.
Forsíðumynd af Guðmundi úr myndasafni.
