Hákon vann þrefalt á Íslandsmóti fatlaðra
Íslandsmót ÍF í borðtennis fór fram í Íþróttahúsi ÍFR að Hátúni laugardaginn 1. apríl síðastliðinn. Hákon Atli Bjarkason frá ÍFR varð þrefaldur Íslandsmeistari en hann sigraði í tvíliðaleik með félaga sínum Wova Cherniavskyi , vann í sitjandi flokki 1-5 og í opnum flokki.
Wova Cherniavsky í úrslitaleik í opnum flokki / Mynd: Jón Björn Ólafsson
Í flokki 11 kvenna var það Soffía Rúna Jensdóttir sem varð Íslandsmeistari og karlamegin var það Óskar Aðils Kemp sem fagnaði titlinum í flokki 11. Tómas Björnsson var mættur aftur til leiks og varð Íslandsmeistari í standandi flokki 6-10 eftir úrslitaviðureign gegn ungum og efnilegum spilara frá KR sem heitir Birkir Steinn Ásgeirsson.
Björgvin Ingi Ólafsson tók ekki þátt í mótinu að þessu sinni vegna meiðsla en hann hefur verið á mikilli siglingu í borðtennisíþróttinni undanfarin misseri.
Birkir Steinn Ásgeirsson í keppni í opnum flokki / Mynd: Jón Björn Ólafsson
Úrslit í öllum flokkum
Tvíliðaleikur
1. Hákon Atli Bjarkason og Wova Cherniavskyi ÍFR/ÍFR
2. Magnús Guðjónsson og Birkir Steinn Áseirsson HK/KR
3.-4 Hildigunnur J Sigurðardóttir og Agnar Ingi Traustason ÍFR/ÍFR
3.-4. Óskar Aðils Kemp og Baldur Jóhannesson ÍFR/ÍFR
Flokkur 11 konur
1. Soffía Rúna Jensdóttir ÍFR
2. Inga Hanna Jóhannesdóttir ÍFR
3. Hildigunnur J. Sigurðardóttir ÍFR
Flokkur 11 karlar
1. Óskar Aðils Kemp ÍFR
2. Magnús Guðjónsson HK
3. Baldur Jóhannesson ÍFR
Sitjandi flokkur 1-5
1. Hákon Atli Bjarkarson ÍFR
2. Wova Cherniavskyi ÍFR
3. Kolbeinn Skagfjörð Akur
Standandi flokkur 6-10
1. Tómas Björnssson ÍFR
2. Birkir Steinn Áseirsson KR
Opinn flokkur
1. Hákon Atli Bjarkarson ÍFR
2. Wova Cherniavskyi ÍFR
3.-4. Óskar Aðils Kemp ÍFR
3.-4. Magnús Guðjónsson HK
Myndir: Jón Björn Ólafsson. Efsta myndin er af Hákoni Atla með sigurlaunin.
