Heimild til að flytja leikmann á milli liða innan sama félags
Reglur um heimild til að flytja leikmann á milli liða innan sama félags en á milli deilda
Mótanefnd og stjórn BTÍ samþykktu sl. haust til reynslu heimild til að flytja leikmenn á milli liða sama félags.
Reglan verður sú að ef vantar leikmann í 1. eða 2. deild, þá er félagi heimilt að fá liðsmann úr deild fyrir neðan að láni innan síns félags. Þó er hverjum leikmanni úr neðri deild einungis heimilt að leika einu sinni í efri deild yfir tímabilið, en báðar umferðirnar þann daginn. Tilteknum leikmanni verður heimilt að leika með sínu liði í neðri deildinni í sömu umferð. Þetta úrræði má eingöngu nota þegar fullreynt þykir að manna lið með “réttum” leikmönnum, og skal tilkynna með tölvupósti til mótanefndar, í síðasta lagi 1 klst fyrir leik.
Við ítrekum um leið mikilvægi þess að skrá varamenn í hvert lið.
Þetta fyrirkomulag verður til reynslu fram að úrslitakeppni. Fyrirkomulag varðandi þetta í úrslitakeppninni sjálfri verður ákveðið og kynnt síðar.
