HK-A sigraði BH-B í lokaleik 1. deildar karla

HK-A sigraði BH-B 6-0 í lokaleik 1. deildar karla, en leikurinn fór fram þann 16. febrúar. HK-A lýkur því keppni með 8 stig í 4. sæti deildarinnar og tekur þátt í úrslitakeppninni, þar sem liðið mætir BH-A.
Í hinum undanúrslitunum leika KR-A og BH-B.
Samkvæmt mótaskrá fara undanúrslitin í deildinni fram 22. apríl og verður leikið í Íþróttahúsi Hagaskóla.

Víkingur-A lauk keppni í 5. sæti deildarinnar með 7 stig og leikur við liðið í 2. sæti 2. deildar um sæti í 1. deild á næsta ári.
Víkingur-B lauk keppni í neðsta sæti deildarinnar án stiga, og fellur í 2. deild.

Hér má sjá lokastöðuna í deildinni: https://www.tournamentsoftware.com/sport/draw.aspx?id=C122CABA-C47D-4035-AB4B-1DA3D4686B08&draw=10

Á forsíðunni má sjá lið HK, sem tók þátt í European Trophy keppninni í desember sl. en þrír leikmenn sem tóku þátt í þeirri keppni eru í A-liði HK.