Automatic translation by Google Translate. We cannot guarantee that it is accurate.

  • 17.03.2018
  • Frettir

HK, KR, Víkingur og Örninn unnu titlana á Íslandsmóti öldunga

Góð þátttaka var á Íslandsmóti öldunga, sem fram fór í Íþróttahúsi Hagaskóla laugardaginn 17. mars. Skráðir voru 35 keppendur frá 8 félögum: Akri, BH, Dímon, Erninum, HK, ÍFR, KR og Víkingi. Þar af voru 9 konur og hafa ekki verið fleiri frá því keppni hófst í kvennaflokki á þessu móti.

Íslandsmeistarar á mótinu komu úr Erninum, HK, KR og Víkingi. Ásta Urbancic, KR, varð þrefaldur Íslandsmeistari á mótinu og Brynjólfur Þórisson, HK; Kristján Jónasson, Víkingi og Örn Þórðarson, HK urðu tvöfaldir meistarar.

Úrslit úr einstökum flokkum:

Einliðaleikur kvenna 40-69 ára

  1. Ásta Melitta Urbancic, KR
  2. Guðrún Gestsdóttir, KR
  3. Elísabet Dólinda Ólafsdóttir, KR
  4. Anna Sigurbjörnsdóttir, KR

Keppni í þremur aldursflokkum kvenna var sameinuð í einn flokk. Ásta (í aldursflokki 60-69 ára) vann Guðrúnu (í aldursflokki 40-49 ára) 3-0 (11-6, 11-9, 11-6) en Elísabet varð efst þeirra sem eru í aldursflokki 50-59 ára.

Einliðaleikur karla 40-49 ára

  1. Örn Þórðarson, HK
  2. Slawomir Wojciech Rekowski, BH

3.-4. Georg Lúðvíksson, KR

3.-4. Reynir Georgsson, HK

Örn vann Slawomir 3-0 (12-10, 11-6, 11-5) í úrslitum og varð Íslandsmeistari í fyrsta skipti.

Einliðlaleikur karla 50-59 ára

  1. Kristján Aðalbjörn Jónasson, Víkingur
  2. Bjarni Þorgeir Bjarnason, HK

3.-4. Hannes Guðrúnarson, KR

3.-4. Stefán Birkisson, Víkingur

Þeir félagar Kristján og Bjarni mættust í úrslitaleiknum og hafði Kristján betur 3-0 (11-6, 12-10, 11-4). Hann varð því Íslandsmeistari í einliðaleik fjórða árið í röð.

Einliðaleikur karla 60-69 ára

  1. Brynjólfur Þórisson, HK
  2. Hjörtur Magni Jóhannsson, Víkingur
  3. Pétur Ó. Stephensen, Víkingur
  4. Finnur Hrafn Jónsson, KR

1958 árgangurinn er sterkur í karlaflokki og komu fjórir nýir keppendur fæddir 1958 inn í þennan aldursflokk í fyrsta skipti. Keppni var jöfn og spennandi og voru þrír leikmenn jafnir með fjóra sigra og eitt tap. Brynjólfur vann Hjört 3-0 og tapaði 2-3 fyrir Pétri, sem tapaði 0-3 fyrir Hirti. Brynjólfur varð því Íslandsmeistari, Hjörtur annar og Pétur þriðji.

Pétur Stephensen vantar á myndina.

Einliðaleikur karla 70 ára og eldri

  1. Ragnar Ragnarsson, Örninn
  2. Jóhann Örn Sigurjónsson, Örninn
  3. Sigurður Herlufsen, Víkingur

Jóhann Örn hefur unnið titilinn síðustu tvö ár en Ragnar var sterkari á þessu móti, og vann Jóhann 3-1 (11-7, 8-11, 13-11, 11-9).

Tvíliðaleikur kvenna 40-49 ára

  1. Eva Jósteinsdóttir/Lilja Rós Jóhannesdóttir, Víkingur
  2. Áslaug Hrönn Reynisdóttir/Guðrún Gestsdóttir, ÍFR/KR

Eva og Lilja tóku þátt á mótinu í fyrsta skipti og kepptu aðeins í tvíliðaleik. Þær voru öruggir sigurvegarar og lögðu Áslaugu og Guðrúnu 3-0 (11-2, 11-4, 11-4) í úrslitaleik.

 

Tvíliðaleikur karla 40-49 ára

  1. Reynir Georgsson/Örn Þórðarson, HK
  2. Gunnar Skúlason/Slawomir Wojciech Rekowski, KR/BH

Reynir og Örn sigruðu Gunnar og Slawomir 3-1 (8-11, 11-4, 11-2, 11-8) í úrslitaleik.

 

Tvíliðaleikur kvenna 50-59 ára

  1. Ásta Melitta Urbancic/Elísabet Dólinda Ólafsdóttir, KR
  2. Anna Sigurbjörnsdóttir/Guðrún Ólafsdóttir, KR

Ásta og Elísabet lögðu Önnu og Guðrúnu 3-1 (11-8, 6-11, 11-5, 11-6) í úrslitaleik.

 

Tvíliðaleikur karla 50-59 ára

  1. Bjarni Þorgeir Bjarnason/Kristján Aðalbjörn Jónasson, HK/Víkingur
  2. Bjarni Gunnarsson/Hannes Guðrúnarson, KR
  3. Finnur Hrafn Jónsson/Guðmundur Örn Halldórsson, KR

Bjarni og Kristján vörðu titilinn, sem þeir unnu í fyrra, og sigruðu Bjarna og Hannes 3-0 (11-6, 11-7, 11-2) í úrslitaleiknum.

Tvíliðaleikur karla 60 ára og eldri

  1. Brynjólfur Þórisson/Hjörtur Magni Jóhannsson, HK/Víkingur
  2. Árni Siemsen/Pétur Ó. Stephensen, Örninn/Víkingur
  3. Jóhann Örn Sigurjónsson/Sigurður Herlufsen, Örninn/Víkingur

Brynjólfur og Hjörtur léku í fyrsta skipti í þessum aldursflokki og stóðu uppi sem Íslandsmeistarar eftir að hafa unnið Árna og Pétur, sem áttu titil að verja. Jóhann Örn og Sigurður voru eina parið sem var skráð í tvíliðaleik 70 ára og eldri, og spiluðu því með þeim sem voru í 60-69 ára aldursflokki.

 

Tvenndarleikur 40 ára og eldri

  1. Hannes Guðrúnarson/Ásta Melitta Urbancic, KR
  2. Gunnar Skúlason/Guðrún Gestsdóttir, KR

3.-4. Bjarni Gunnarsson/Anna Sigurbjörnsdóttir, KR

3.-4. Finnur Hrafn Jónsson/Elísabet Dólinda Ólafsdóttir, KR

Þetta var í fyrsta skipti sem keppt er í tvenndarkeppni á Íslandsmóti öldunga eftir að keppnisgreinin var sett inn í reglugerð um Íslandsmót. Hannes og Ásta unnu Gunnar og Guðrúnu 3-1 (11-5, 11-6, 8-11, 11-9) í úrslitaleiknum.

Öll úrslit á mótinu má sjá á vef Tournament Software, http://www.tournamentsoftware.com/sport/tournament.aspx?id=A5682FF4-EACD-4E67-8551-EDD7383EE25F

Myndir frá Auði Tinnu Aðalbjarnardóttur.

Í annarri frétt hér á vefnum má sjá margar myndir af mótinu og á Facebook síðu BTÍ eru myndir og klippur af mótinu.

 

ÁMU

Aðrar fréttir