Ingi Darvis, Magnús Gauti, Nevena og Sól leika á Smáþjóðaleikunum

Lið Íslands í borðtenniskeppni Smáþjóðaleikanna hefur verið tilkynnt. Það skipa þau Ingi Darvis Rodriguez, Víkingi, Magnús Gauti Úlfarsson, BH, Nevena Tasic, Víkingi og Sól Kristínardóttir Mixa, BH.

Peter Nilsson, landsliðsþjálfari, getur ekki verið með liðinu á mótinu en í stað hans verða þau Aldís Rún Lárusdóttir og Ingimar Ingimarssonmeð liðinu, að ósk Peters.

Smáþjóðaleikarnir fara fram á tveggja ára fresti og að þessu sinni er komið að Möltu. Leikarnir standa frá 28. maí til 4. júní. Borðtenniskeppnin hefst þann 30. maí með liðakeppni karla og kvenna. Síðan verður keppt í tvíliðaleik og keppninni lýkur með keppni í einliðaleik.