Ingi Darvis, Magnús Gauti og Matthías leika í undankeppni EM

Peter Nilsson, landsliðsþjálfari, hefur valið þá leikmenn sem taka þátt í undankeppni EM karla fyrir Íslands hönd. Fyrir valinu urðu Ingi Darvis Rodriguez, Víkingi, Magnús Gauti Úlfarsson, BH og Matthías Þór Sandholt, BH.

Kvennaliðið tekur ekki þátt í undankeppninni en leikur í staðinn á Safir mótinu í Svíþjóð þann 21.-23. febrúar nk.

Á forsíðunni má sjá þá félaga ásamt öðrum borðtennismönnum sem léku á Finlandia open í byrjun desember.

Uppfært 10.1.2025, þar sem kvennalandsliðið fer á Safir en ekki til Hróarskeldu.