Ingi Darvis og Nevena Íslandsmeistarar í tvenndarleik

Ingi Darvis Rodriguez og Nevena Tasic, Víkingi, urðu Íslandsmeistarar í tvenndarleik þriðja árið í röð, þegar þau sigruðu Magnús Gauta Úlfarsson og Sól Kristínardóttur Mixa, BH, 3-1 (11-6, 7-11, 11-7, 11-6) í úrslitaleiknum á Íslandsmótinu laugardaginn 4. mars.
Davíð Jónsson og Aldís Rún Lárusdóttir, og Ellert Kristján Georgsson og Þóra Þórisdóttir, öll úr KR, fengu bronsið.

Leikið var fram að undanúrslitum í einliðaleik laugardaginn 4. mars og má sjá þá sem leika í undanúrslitum og úrslitum sunnudaginn 5. mars á vefsíðu mótsins á vef Tournament Software, sem og tímasetningu leikjanna.

https://www.tournamentsoftware.com/tournament/308865db-d727-41f4-9479-726a30449aa9/matches/20230305

Sú breyting hefur þó orðið á dagskrá morgundagsins að annar undanúrslitaleikjanna í 1. flokki kvenna, nánar tiltekð leikur þeirra Láru Ívarsdóttur Fjeldsted og Þóru Þórisdóttur verður leikinn kl. 09.30. Ástæðan fyrir því er að Lára gerði sér lítið fyrir og komst í undanúrslit í tveimur flokkum, nánar tiltekið í 1. og 2. flokki kvenna.

Mótinu lýkur með verðlaunaafhendingu, sem er áætlað að hefjist kl. 15.40.

Sýnt er frá mótinu á fésbókarsíðu BTÍ. Þá verður sýnt beint frá mótinu á RÚV2 og hefst útsending kl. 13.

Í meistaraflokkunum eiga Íslandsmeistararnir í einliðaleik og tvíliðaleik frá því í fyrra möguleika á að verja titla sína þar sem þeir eru ennþá taplausir á mótinu.

Mynd af Inga Darvis og Nevenu úr myndasafni.