Ísland hafnaði í 40. sæti í liðakeppni drengja á EM unglinga
Íslenska drengjalandsliðið lauk keppni í 40. sæti í liðakeppni drengja á EM unglinga í Rúmeníu, en liðakeppninni lauk í dag.
Í morgun lék liðið síðasta leikinn í Q-riðli og tapaði 1-3 fyrir Belarus (Hvíta-Rússlandi) þar sem Magnús Gauti vann leik. Liðið hafnaði í 3. sæti í riðlinum og lék því um sæti 37-40 við liðin sem urðu í 3. sæti í O, P og R riðlum.
Ísland mætti Skotlandi í hörkuleik eftir hádegið, sem liðið tapaði naumlega 2-3. Magnús Gauti og Ingi Darvis unnu sinn leikinn hvor. Magnús tapaði leik í oddalotu og Ingi Darvis 1-3, svo það vantaði ekki mikið upp á sigur.
Skotland mætti því Eistlandi í leik um 37. sætið en Ísland lék við Armeníu um 39. sætið. Armenarnir voru sterkari og sigruðu 3-0 en Ellert tapaði sínum leik í oddalotu. 40. sæti varð því niðurstaðan þetta árið. Fyrir neðan Ísland voru Montenegro og Malta. Einn landsleikur vannst (gegn Montenegro) og átta einstaklingsleikir (Magnús Gauti vann fjóra, Ingi Darvis þrjá og Birgir einn).
Úrslitaleikirnir fara fram 19. júlí. Í drengjaflokki mætast Frakkland og Rússland og í stúlknaflokki leika Azerbaijan og Rússland. Í sveinaflokki berjast Belgía og Frakkland en Rúmenía og Rússland í meyjaflokki. Rússland á því möguleika á þremur Evrópumeistaratitlum og Frakkland tveimur.
Dregið hefur verið í einstaklingskeppnina og leika drengirnir í einliðaleik og tviliðaleik á föstudaginn. Þessir leikir fara fram: Magnús og Birgir leika í tvíliðaleik við par frá Azerbjadjan kl. 14.45 og á sama tíma keppa Ingi Darvis og Ellert við par frá Rúmeníu og Ítalíu. Í beinu framhaldi hefst fyrsta umferðin í einstaklingskeppninni þar sem Ingi Darvis mætir Benediktas Vaitkevicius frá Litháen, Birgir leikur við Yaniv Karmazin frá Ísrael, Magnús Gauti mætir Yusif Gafarli frá Azerbadjan og Ellert keppir við Guy Kouchly frá Ísrael.
Úrslit úr einstökum leikjum
Ísland – Belarus (Hvíta-Rússland) 1-3
Birgir Ívarsson – Uladzislau Rukliatsou 0-3 (5-11, 7-11, 6-11) 0-1
Magnús Gauti Úlfarsson – Heorhi Kunats 3-1 (11-4, 11-5, 2-11, 11-4) 1-1
Ellert Kristján Georgsson – Ilia Kortchinski 0-3 (6-11, 10-12, 10-12) 1-2
Magnús Gauti Úlfarsson – Uladzislau Rukliatsou 0-3 (8-11, 6-11, 9-11) 1-3
Ísland – Skotland 2-3
Ingi Darvis Rodriquez – Keir Morton 3-0 (11-7, 12-10, 14-12) 1-0
Magnús Gauti Úlfarsson – Danny Bajwa 2-3 (11-9, 7-11, 6-11, 11-7. 4-11) 1-1
Birgir Ívarsson – Calum Morrison 0-3 (4-11, 7-11, 4-11) 1-2
Magnús Gauti Úlfarsson – Keir Morton 3-2 (11-9, 7-11, 8-11, 11-7, 11-4) 2-2
Ingi Darvis Rodriquez – Danny Bajwa 1-3 (9-11, 9-11, 11-8. 2-11) 2-3
Ísland – Armenía 0-3
Ingi Darvis Rodriquez – Melkon Hovhannisyan 0-3 (8-11, 11-13, 6-11) 0-1
Magnús Gauti Úlfarsson – Edgar Rafayelyan 0-3 (9-11, 9-11, 6-11) 0-2
Ellert Kristján Georgsson – Avet Vasilyan, 2-3 (10-12, 11-5, 11-8, 4-11, 6-11) 0-3
Mynd af Magnúsi Gauta á forsíðunni er af fésbókarsíðu BTÍ en hana tók Róbert Ben.
ÁMU (mynd á forsíðu uppfærð 23.7.)
