Ísland í 36. sæti í pilta- og stúlknaflokki á EM unglinga
Íslensku liðin hafa lokið keppni í liðakeppni á EM unglinga. Bæði piltaliðið og stúlknaliðið höfnuðu í 36. sæti.
Í 2. hluta riðlakeppninnar léku stúlkurnar í P-riðli með Austurríki, Lettlandi og Möltu og fóru leikirnir fram þann 8. og 9. júlí. Stúlkurnar töpuðu 0-3 fyrir Austurríki og 0-3 fyrir Lettlandi. Leikurinn gegn Möltu tapaðist 1-3 og vann Sól Kristínardóttir Mixa þann leik 3-1. Hún tapaði svo seinni einliðaleiknum sínum gegn Möltu 1-3.
Að leikjum í P-riðli loknum léku íslensku stúlkurnar við Skotland um 35. sæti. Sá leikur tapaðist 0-3 en Kristín Ingibjörg Magnúsdóttir vann lotu og tapaði annarri lotu í framlengingu.
Piltaliðið lék í O-riðli með Danmörku og Slóveníu þann 8. og 9. júlí. Báðir leikirnir töpuðust 0-3.
Liðið lék svo um 35.-37. sæti við Möltu og Kýpur. Leikurinn við Möltu tapaðist 0-3 en leikurinn við Kýpur vannst 3-2. Í kýpverska liðinu lék þó aðeins einn leikmaður, sem vann báða leiki sína. Íslensku piltarnir urðu því 36. sæti.
