Íslandsmótið í 1. og 2. flokki 2026
Í samræmi við áður kynntar breytingar fer Íslandsmót fullorðinna fram á tveimur ólíkum helgum árið 2026.
Leikið verður um Íslandsmeistaratitilinn í 1. og 2. flokki karla og kvenna þann 14. mars 2026 í íþróttahúsinu Strandgötu, Hafnarfirði.
Mótið er í umsjá Borðtennissambands Íslands og haldið í samstarfi við Borðtennisdeild BH.
Dagskrá mótsins*
Laugardagurinn 14. mars 2026
10.00 Íslandsmótið sett
10.10 1. flokkur karla
11.30 1. flokkur kvenna
13.00 2. flokkur kvenna
14.00 2. flokkur karla
Verðlaun verða veitt að hverjum flokki loknum.
*Verði óvenju mikil skráning í 1. flokki kunnu 2. flokkur karla og/eða kvenna að hefjast síðar um daginn, og verður þá upplýst um það með frétt á bordtennis.is sama kvöld og dráttur fer fram.
Keppnisfyrirkomulag
Hverjum keppanda er heimilt að keppa í tveimur einliðaleiksflokkum þennan keppnisdag og keppa karlar í karlaflokkum og konur í kvennaflokkum.
Leikið verður í 3-4 manna riðlum og með útslætti að því loknu, sbr. samþykkt stjórnar Borðtennissambands Íslands um breytingu á reglugerð um Íslandsmót:
„Á Íslandsmótinu 2026 skal þó keppt í riðlum í einliðaleik í öllum einliðaleiksflokkum með eftirfarandi hætti:
- Taki fimm eða færri leikmenn þátt í flokki skal leikið með beinum útslætti líkt og fyrr.
- Taki sex eða fleiri leikmenn þátt í flokki skal keppt í þriggja manna riðlum (og einum til tveimur fjögurra manna riðlum gangi leikmenn af) þar sem tveir leikmenn komast áfram og beinum útslætti að því loknu.“
Keppt verður með hvítum Stiga 3* kúlum. Verðlaun verða veitt fyrir efstu fjögur sætin í hverjum flokki.
Íslandsmeistaratitill verður veittur fyrir efsta sætið í hverjum flokki. Mótið gildir til styrkleikalista Borðtennissambands Íslands og verður styrkleikalistinn 1. mars 2026 notaður til að raða í mótið.
Leikheimild
Keppni á Íslandsmótinu í borðtennis er opin öllum íslenskum ríkisborgurum og þeim erlendu ríkisborgurum sem hafa átt búsetu og lögheimili á Íslandi í þrjú ár við upphaf móts.
Skráning og greiðsla keppnisgjalda
Skráning og greiðsla keppnisgjalda fer fram í gegnum skráningar- og greiðslukerfi BTÍ:
Skráning á Íslandsmótið í 1. og 2. flokki 2026
Keppnisgjöld verða ekki endurgreidd eftir að dregið hefur verið í mótið.
Keppnisgjöld
1. flokkur 3000 kr.
2. flokkur 3000 kr.
Ef einhver vandamál eru með skráningarkerfið og greiðslu í gegnum formið má senda fyrirspurn með tölvupósti á netfangið [email protected].
Dregið í mótið
Allar skráningar skulu berast fyrir kl. 20 þriðjudagskvöldið 10. mars. Dregið verður í mótið miðvikudagskvöldið 11. mars klukkan 20:00, í íþróttahúsinu Strandgötu. Dregið verður í mótaforritinu Tournament Software og mun drátturinn verða birtur í gegnum það.
Dómarar
Jóhannes Bjarki Urbancic Tómasson verður yfirdómari en Borðtennissamband Íslands auglýsir eftir landsdómurum til að dæma á mótinu. Greitt verður samkvæmt gjaldskrá.
Mótsstjórn og spurningar
Í mótsstjórn sitja Tómas Ingi Shelton og Jóhannes Bjarki Urbancic Tómasson. Um aðstoð við mótsstjórn sjá Guðrún Gestsdóttir og Auður Tinna Aðalbjarnardóttir.
Öllum spurningum varðandi mótið skal beint til [email protected] undir yfirskriftinni „Fyrirspurn um Íslandsmót.“
