Íslandsmótið í borðtennis verður haldið 28. febrúar til 2. mars
Íslandsmótið í borðtennis fer fram 28. febrúar til 2. mars í TBR-húsinu við Gnoðarvog.
Mótið er í umsjá Borðtennissambands Íslands og haldið í samstarfi við Borðtennisdeild Víkings.
Leikið verður í eftirtöldum flokkum, sbr. reglugerð Borðtennissambands Íslands um Íslandsmót:
- Einliðaleikur: Meistaraflokkur karla og kvenna, 1. flokkur karla og kvenna, 2. flokkur karla og kvenna.
- Tvíliðaleikur: Tvíliðaleikur karla, tvíliðaleikur kvenna.
- Tvenndarleikur.
Dagskrá mótsins:
Föstudagurinn 28. febrúar 2025
18.30 Íslandsmótið sett
18.40 Tvenndarleikur, leikið til úrslita
19.00 Tvíliðaleikur karla leikið fram að undanúrslitum
19.40 Tvíliðaleikur kvenna leikið fram að undanúrslitum
Laugardagurinn 1. mars 2025, drög að tímaáætlun, leikið fram að undanúrslitum í öllum flokkum.
ENDANLEG TÍMAÁÆTLUN LAUGARDAGS verður gefin út þegar skráningu er lokið
10.00 2. flokkur karla
11.00 2. flokkur kvenna
12.00 Meistaraflokkur karla
14.00 Meistaraflokkur kvenna
14.30 1. flokkur karla
15.30 1. flokkur kvenna
Sunnudagurinn 2. mars 2025
10.00 Undanúrslit: Tvíliðaleikur kvenna og karla
10.40 Úrslit: Tvíliðaleikur kvenna og karla
11.20 Undanúrslit: 1. og 2. flokkur kvenna og karla
12.00 Úrslit: 1. og 2. flokkur kvenna og karla
13.00 Undanúrslit: Meistaraflokkur kvenna
13.40 Undanúrslit: Meistaraflokkur karla
14.20 Úrslit: Meistaraflokkur kvenna
15.00 Úrslit: Meistaraflokkur karla
15.40 Verðlaunaafhending
Keppnisfyrirkomulag
Hverjum keppanda er heimilt að keppa í tveimur einliðaleiksflokkum og keppa karlar í karlaflokkum og konur í kvennaflokkum.
Í öllum flokkum nema í meistaraflokki karla og kvenna verður leikinn einfaldur útsláttur, 3-5 lotur.
Í meistaraflokki karla og kvenna verða leiknar 4-7 lotur og leikið í 3-4 manna riðlum, sbr. samþykkt stjórnar Borðtennissambands Íslands um breytingu á reglugerð um Íslandsmót:
Á eftir 1. setningu 3. mgr. 4. gr. reglugerðar um Íslandsmót bætist við eftirfarandi texti:
„Á Íslandsmótinu 2025 skal þó keppt í riðlum í einliðaleik í meistaraflokki með eftirfarandi hætti:
- Taki fimm eða færri leikmenn þátt í flokki skal leikið með beinum útslætti líkt og fyrr.
- Taki sex eða fleiri leikmenn þátt í flokki skal keppt í þriggja manna riðlum (og einum til tveimur fjögurra manna riðlum gangi leikmenn af) þar sem tveir leikmenn komast áfram og beinum útslætti að því loknu.
- Í meistaraflokki karla og kvenna skulu þeir leikmenn sem hljóta röðun skv. 17. gr. keppnisreglna BTÍ sleppa við riðlakeppni og komast beint áfram í útsláttinn, séu 33 leikmenn eða fleiri skráðir til leiks í flokknum.
- Sé um slíkt að ræða skal til viðbótar raða átta stigahæstu keppendunum í riðlakeppnina og skulu sigurvegarar viðkomandi átta riðla koma inn í útsláttartöfluna sem næstu átta röðuð pláss.“
Keppt verður með hvítum Stiga perform 3* 40+ kúlum. Verðlaun verða veitt fyrir efstu fjögur sætin í hverjum flokki.
Íslandsmeistaratitill verður veittur fyrir efsta sætið í hverjum flokki. Mótið gildir til styrkleikalista Borðtennissambands Íslands og verður styrkleikalistinn 1. febrúar 2025 notaður til að raða í mótið.
Leikheimild
Keppni á Íslandsmótinu í borðtennis er opin öllum íslenskum ríkisborgurum og þeim erlendu ríkisborgurum sem hafa átt búsetu og lögheimili á Íslandi í þrjú ár við upphaf móts.
Skráning og greiðsla keppnisgjalda
Skráning og greiðsla keppnisgjalda fer fram í gegnum nýtt skráningar- og greiðslukerfi BTÍ:
Keppnisgjöld verða ekki endurgreidd eftir að dregið hefur verið í mótið.
Keppnisgjöld:
Tvenndarleikur 3000 kr. parið
Tvíliðaleikur 3000 kr. parið
Meistaraflokkur 3500 kr.
1. flokkur 3000 kr.
2. flokkur 3000 kr.
Ef einhver vandamál eru með skráningarkerfið og greiðslu í gegnum formið má senda fyrirspurn með tölvupósti á netfangið asta@bordtennis.is.
Einnig má senda óskir um liðsfélaga í tvíliðaleik og tvenndarleik á netfangið asta@bordtennis.is og verður reynt að para staka leikmenn saman.
Dregið í mótið
Allar skráningar skulu berast fyrir kl. 20 þriðjudagskvöldið 25. febrúar. Dregið verður í mótið miðvikudagskvöldið 26. febrúar klukkan 20:00, og verður staðsetning tilkynnt síðar. Dregið verður í mótaforritinu Tournament Software og mun drátturinn verða birtur í gegnum það.
Dómarar
Árni Siemsen verður yfirdómari en Borðtennissamband Íslands auglýsir eftir landsdómurum til að dæma á mótinu.
Mótsstjórn og spurningar
Í mótsstjórn sitja Ásta M. Urbancic, Eyrún Elíasdóttir, Davíð Örn Halldórsson og Jóhann Ingi Benediktsson. Umsjónarmenn eru Pétur Stephensen og Jón Gunnarsson.
Öllum spurningum varðandi mótið skal beint til asta@bordtennis.is undir yfirskriftinni “Fyrirspurn um Íslandsmót.”
Bréf um mótið: Íslandsmótið 2025 bréf
Uppfært 27. febrúar 2025
Myndin efst í fréttinn er af sigurvegurum í meistaraflokki kvenna árið 2024.
