Íslenska u13 liðið leikur um sæti 23-26 á EM u13 í Zagreb

Íslenska liðið hélt áfram keppni í blandaðri liðakeppni á EM u13 í Zagreb í dag, 15. júní. Tveir sterkir mótherjar biðu krakkanna í riðli 5, Bosnía Herzegóvina og Portúgal. Báðir leikir töpuðust 0-5.

Þann 16. júní verður leikið um einstök sæti í liðakeppninni og leikur Ísland um sæti 23-26, en alls eru 28 lið á mótinu. Fyrst verður leikið við Eistland. Sigurliðið úr þeirri viðureign mætir sigurliðinu úr leik Litháen og Slóvakíu í leik um 23. sæti en tapliðin spila um 25. sæti.

Keppni í einstaklingsflokkum hefst þann 16. júní. Í einliðaleik er keppt í riðlum en í tvenndarleik með útsláttarfyrirkomulagi.

Guðbjörg Vala Gunnarsdóttir leikur í riðli 4 í einliðaleik telpna, og mætir leikmönnum frá Frakklandi, Litháen og Tyrklandi.
Helena Árnadóttir er í riðli 10 og mætir leikmönnum frá Moldóvu, Portúgal og Póllandi.
Heiðar Leó Sölvason leikur í riðli 11 í einliðaleik pilta, við leikmenn frá Búlgaríu, Litháen og Tékklandi.
Kristján Ágúst Ármann er í riðli með leikmönnum frá Frakklandi, Portúgal og Slóvakíu.

Í tvenndarleik leika Guðbjörg Vala og Kristján við par frá Kosovo en Helena og Heiðar Leó við par frá Eistlandi.

Slóð á úrslit á mótinu: https://www.ettu.org/en/events/european-under-13-championships/draws—results/

Forsíðumynd úr myndasafni.