Íslensku unglingalandsliðin unnu níu leiki á öðrum degi í Linz
Íslensku unglingalandsliðin héldu áfram keppni á 25. Youth championships í Linz í Austurríki þann 3. apríl. Keppni hélt áfram í riðlum í liðakeppni en liðunum hafði verið raðað í nýja riðla eftir liðakeppnina 2. apríl.
Liðakeppni drengja undir 19 ára (CH-riðill A)
Ísland – Team Nederland 3 (Hollandi) 3-2
Benedikt Aron vann tvo einliðaleiki og Alexander einn.
Ísland – Flötzersteig / Dachau (Þýskalandi) 3-1
Alexander vann báða einliðaleiki sína og þeir Alexander og Benedikt unnu tvíliðaleikinn.
Ísland – Kufstein / Kolbermoor (Austurríki) 3-2
Benedikt Aron vann tvo einliðaleiki og Alexander einn.
Liðið vann A riðlinn með fullt hús stiga.
Liðakeppni stúlkna undir 17 ára (Challenge riðill)
Ísland – Mittelländischer Tischtennisverband (Sviss) 3-1
Guðbjörg Vala vann báða einliðaleiki sína og þær Helena unnu tvíliðaleikinn.
Ísland – TSV Oberstdorf Deutschland (Þýskalandi) 2-3
Guðbjörg Vala vann annan einliðaleikinn sinn og þær Helena unnu tvíliðaleikinn.
Í challenge riðlinum eru sex lið og er tveimur umferðum lokið þann 3. apríl. Einn leikur verður leikinn 4. apríl og síðustu tveir leikirnir 5. apríl.
Liðakeppni drengja undir 17 ára
Ísland 1 leikur í CH-riðli D og Ísland 2 í CH-riðli B.
Ísland 1 – UTTC Oberwart (Austurríki) 3-0
Kristján Ágúst og norski félagi hans Lasse Brekkebråten unnu alla leikina 3-0.
Ísland 1 – Namiznoteniski klub Savinja 1 (Slóveníu) 3-2
Lasse Brekkebråten vann báða einliðaleikina sína og Kristján vann annan einliðaleikinn sinn.
Ísland 1 lauk keppni í efsta sæti í riðlinum af þremur liðum.
Ísland 2 – Namiznoteniski klub Savinja 2 (Slóveníu) 3-0
Þeir Heiðar Leó og Viktor unnu alla þrjá leikina.
Ísland 2 – NÖTTV (Austurríki) 0-3
Heiðar Leó vann einu lotu Íslands í leiknum.
Ísland 2 lauk keppni í 2. sæti í riðlinum af þremur liðum.
Liðakeppni sveina undir 15 ára (CH-riðill A)
Ísland – Ostschweizer Tischtennisverband (OTTV) 3 (Sviss) 3-0
Lúkas og norski liðsfélagi hans Jörgen Graveseth unnu alla þrjá leikina.
Ísland – USV Jena (Þýskalandi) 3-0
Drengirnir unnu alla leikina 3-0.
Lið Íslands lauk keppni í efsta sæti í riðlinum af þremur liðum.
Þann 4. apríl verður leikið í riðlum í einstaklingskeppni. Sjá má riðlana á vef mótsins.
Öll úrslit má sjá hér: www.ttm.co.at
Á forsíðunni má sjá Benedikt Aron og Alexander, sem skipa lið Íslands í flokki drengja undir 19 ára en liðið varð í efsta sæti A-riðils. Mynd frá Gunnari Skúlasyni.
