Karlalið BH tapaði leikjum sínum í Europe Trophy keppninni

Karlalið BH hélt áfram keppni í Europe Trophy í Tallinn laugardaginn 14. desember.

Fyrst mættu karlarnir liði TalTech Sport Club frá Eistlandi. Leikurinn tapaðist 0-3 og eins og gegn lettneska liðinu í fyrsta leiknum í riðlinum vannst aðeins ein lota. Hana vann Magnús Gauti Úlfarsson.

Lokaleikur liðsins var gegn Vilkaviškio Rytas frá Litháen. Leikurinn var jafn og spennandi en lauk með 2-3 tapi BH. Magnús Gauti vann fyrsta leikinn 3-1 og Magnús Jóhann Hjartarson þann næsta 3-2. Noah Takeuchi Lassen tapaði þriðja leiknum 0-3. Þeir nafnar Magnús Gauti og Magnús Jóhann töpuðu síðan seinni leikjum sínum 1-3 og sigurinn varð Litháanna.

Slóð á leikina og úrslitin, en BH lék í B-riðli: https://www.ettu.org/europe-trophy-regional-stage/.

Forsíðumynd frá Ingimar Ingimarssyni.