Keppni í einstaklingsgreinum á EM unglinga hefst þann 11. júlí. Þau leika í riðlum í einliðaleik en í tvíiðaleik og tvenndarleik er leikið með útsláttarfyrirkomulagi.

Stúlkur:

Kristjana Áslaug Káradóttir er í 32. riðli í einliðaleik og mætir keppendum frá Danmörku, Slóveníu og Ungverjalandi.

Sól Kristínardóttir Mixa er í 34. riðli með leikmönnum frá Finnlandi, Hollandi og Noregi.

Þuríður Þöll Bjarnadóttir er í 21. riðli með leikmönnum frá Serbíu og Tékklandi en aðeins eru þrír leikmenn í hennar riðli.

Fyrsti leikurinn í einliðaleik hjá stúlkunum er kl. 10.30 að staðartíma þann 11. júlí.

Þær Kristjana og Þuríður mæta pari frá Norður-Makedóníu í tviliðaleik stúlkna þann 12. júlí kl. 11. Á sama tíma leika Sól og Sabine Darmanin frá Möltu í tvíliðaleik gegn pari frá Lettlandi og Lúxemborg.

Sól leikur með Sean Debono frá Möltu í tvenndarleik og leika þau við par frá Búlgaríu kl. 20.30 þann 11. júlí.

Piltar:

Alexander Ivanov er í riðli 12 í einliðaleik og mætir leikmönnum frá Hollandi, Litháen og Ungverjalandi.

Einar Karl Kristinsson er í riðli 14 með leikmönnum frá Belgíu, Serbíu og Spáni.

Tómas Hinrik Holloway leikur í riðli 11 með leikmönnum frá Englandi og Sviss en aðeins eru þrír leikmenn í hans riðli.

Keppni hjá piltunum hefst kl. 9.30 að staðartíma þann 11. júlí.

Alexander og Einar mæta pari frá Þýskalandi í 64 manna útslætti í tvíliðaleik pilta kl. 12 þann 12. júlí.

Hér má fylgjast með úrslitum úr leikjunum og stigatalningu í rauntíma (live ticker): https://www.ettu.org/en/events/european-youth-championships/draws–amp–results/