Keppni lokið í Keldudeild karla
Keppni er lokið í Keldudeild karla, en tveimur leikjum HK-A var frestað vegna kórónuveirufaraldursins þegar lokaumferðirnar í deildinni voru leiknar þann 12. febrúar.
HK-A og KR-A mættust þann 17. febrúar og sigraði KR-A 3-0.
HK-A átti einnig að leika við BH-B en HK-A gaf leikinn vegna meiðsla eins leikmanns. Úrslitin í þeim leik höfðu ekki áhrif á lokastöðuna í deildinni, þar sem HK-A hafði þegar tryggt sér fjórða sætið og BH-B það fimmta.
KR-B fellur í 2. deild með 2 stig en BH-B leikur við liðið í 2. sæti í 2. deild um sæti í 1. deild á næsta ári.
HK-A leikur í undanúrslitum við deildarmeistara Víkings-A en BH-A og KR-A mætast í hinum undanúrslitaleiknum.
