Kínverjar tryggðu sér Ólympíumeistaratitilinn í dag með öruggum 3-0 sigri á Suður-Kóreu. Þeir Ma Long, Wang Hao og Zhang Jike töpuðu aðeins tveimur lotum í úrslitaleiknum og vörðu gullið sem Kína vann í Beijing fyrir 4 árum.

Þýsku karlarnir tryggðu sér bronsverðlaunin í liðakeppni með 3-1 sigri á Hong Kong í leiknum um 3. sætið. Eini leikurinn sem Þjóðverjar töpuðu var tvíliðaleikurinn, þar sem Bastian Steger og Dimitrij Ovtcharov töpuðu 0-3 fyrir Jiang Tianyi og Leung Chu Yan. Timo Boll lagði Leung Chu Yan 3-0 í fyrsta leiknum og Dimitrij Ovtcharov vann Tang Peng 3-1 í öðrum leiknum.  

ÁMU