KR-A deildarmeistari í 1. deild karla

KR-A varð deildarmeistari í 1. deild karla eftir æsispennandi úrslitaleik við BH-A í lokaumferð deildarkeppninnar í Íþróttahúsi Hagaskóla í dag. Leiknum lauk með 5-5 jafntefli og luku bæði liðin keppni í deildinni með 15 stig. Þar sem KR-A hafði betra hlutfall unninna og tapaðra leikja varð liðið deildarmeistari. Nánar tiltekið var hlutfall KR-A 51-28 (1,82) en BH-A 50-33 (1,51).

Fyrir lokadaginn átti Víkingur-A líka möguleika á deildarmeistaratitli en liðið tapaði fyrir BH-B, sem gerði úti um þá von. Víkingar höfnuðu því í 3. sæti deildarinnar með 13 stig. HK-A varð í 4. sæti með 8. stig og fer í úrslitakeppnina.
BH-B varð í 5. sæti með 6 stig og leikur við liðið í 2. sæti 2. deildar um sæti í 1. deild á næsta ári.
KR-B fellur í 2. deild en liðið hlaut 3 stig í deildinni.

Úrslit úr leikjum í 9. og 10. umferð
HK-A – BH-A 4-6
Víkingur-A – KR-B 6-4
KR-A – BH-B 6-0
BH-B – Víkingur-A 6-2
KR-B – HK-A 3-6
BH-A – KR-A 5-5

Undanúrslit í deildakeppninni fara fram þann 6. apríl þar sem KR-A leikur við HK-A en BH-A mætir Víkingi-A. Úrslitaleikir verða 13. apríl.

Á forsíðumyndinni má sjá liðin í 1. og 2. sæti í deildinni. Fyrir KR-A hafa í vetur leikið þeir Ellert Kristján Georgsson, Gestur Gunnarsson, Karl A. Claesson, Norbert Bedo og Pétur Gunnarsson. Gest og Karl vantar á myndina.
Í liði BH-A í vetur hafa leikið Birgir Ívarsson, Hergill Frosti Friðriksson, Jóhannes Bjarki Urbancic Tómasson, Magnús Gauti Úlfarsson, Noah Takeuchi Lassen og Pétur Marteinn Urbancic Tómasson. Hergil og Pétur vantar á myndina.