Automatic translation by Google Translate. We cannot guarantee that it is accurate.

KR A og Víkingsstúlkur enn á toppnum

Íslandsmótið í liðakeppni hélt áfram um helgina þegar tvær
umferðir fóru fram í Raflandsdeildinni og 2. deild karla.

Í Raflandsdeild karla unnu lið KR A og Víkings A báðar viðureignir sínar. KR A vann 3-0 sigur á KR B en svo 3-1 sigur á HK A. Víkingur A spilaði við BH A og síðan við Víking B en báðar viðureignirnar enduðu 3-1 fyrir Víking A. Kvennamegin bar hæst spennandi viðureign milli BH A og KR A en sú viðureign endaði með 3-2 sigri BH kvenna. Liðin skiptust á að ná forystu í viðureigninni en að lokum náði BH að knýja fram sigur þegar Sól Kristínardóttir Mixa vann Þóru Þórisdóttur 3-1 í síðasta leiknum. Í öðrum viðureignum dagsins sigruðu Víkingur, KR A og BH A andstæðinga sína 3-0 en Víkingsstúlkur sátu hjá í sjöttu umferð.

Staðan eftir helgina er því þannig að Víkingsstúlkur eru enn í efsta sæti og í karlaflokki situr lið KR A á toppnum.

Í 2. deild er Víkingur C í efsta sæti með 12 stig rétt eins og HK B en fast á eftir þeim koma lið KR D og KR C með 10 stig. Nánari úrslit úr leikjum helgarinnar má nálgast á vef Tournament software. Í Raflandsdeildinni má sjá úrslitin hér en í 2. deild er úrslitin að finna með smelli hér.

Aðrar fréttir