KR-A tók á móti Víkingskonum í Íþróttahúsi Hagaskóla í kvöld. KR-konur höfðu sigur, 3-2, í spennuþrungnum leik. Víkingskonur hafa unnið Íslandsmeistaratitilinn síðustu 4 ár og hafa ekki tapað leik á þeim tíma. 

Sigrún Ebba Tómasdóttir sigraði Íslandsmeistarann Evu Jósteinsdóttur 3-2 (11-9, 5-11, 12-10, 11-13, 13-11), og þarf að fara langt aftur til að finna leik sem Eva tapaði fyrir annarri íslenskri konu en Lilju Rós Jóhannesdóttur.
KR-A hefur því tekið forystu í deildinni, og hefur 8 stig eftir 4 leiki, en Víkingur hefur 6 stig. Stöðuna í deildinni má sjá á vef Tournament Software www.tournamentsoftware.com 

Úrslit í einstökum leikjum
KR-A – Víkingur 3-2
Sigrún Ebba Tómasdóttir – Eyrún Elíasdóttir 3-0
Aldís Rún Lárusdóttir – Eva Jósteinsdóttir 0-3
Aldís/Guðrún G Björnsdóttir – Eva/Eyrún 1-3
Sigrún Ebba Tómasdóttir – Eva Jósteinsdóttir 3-2
Aldís Rún Lárusdóttir – Eyrún Elíasdóttir 3-1

ÁMU