KR-B meistari í 2. deild og leikur í 1. deild í haust
Lið KR-B varð meistari í 2. deild eftir sigur í leikjum sínum í síðustu tveimur umferðunum. Leikið var í Íþróttahúsinu við Strandgötu í Hafnarfirði 8. febrúar. Lið KR-B leikur því í 1. deild á næsta keppnistímabili, þar sem ekki verður úrslitakeppni í 2. deild á þessu ári, skv. ákvörðun stjórnar BTÍ í fyrra.
KR-B lýkur keppni vetrarins með 18 stig. Lið HK-B varð í 2. sæti með 16 stig og BR-A lauk keppni í 3. sæti með 11 stig. BH-C og KR-C eru með 7 stig en BH-C er með hagstæðara hlutfall unninna og tapaðra leikja og hafnar því í 4. sæti. KR-C endar í 5. sæti og leikur því við liðið í 2. sæti í 3. deild um sæti í deildinni á næsta keppnistímabili.
BM varð í neðsta sæti deildarinnar með eitt stig og fellur í 3. deild.
Úrslit úr einstökum viðureignum:
KR-C – HK-B 6-3
KR-B – BH-C 6-2
BM – BR-A 0-6
BR-A – KR-B 2-6
BH-C – KR-C 2-6
HK-B – BM 6-2
Forsíðumynd frá Auði Tinnu Aðalbjarnardóttur. Á myndinni má sjá Skúla Gunnarsson, Karl A. Claesson, Luca de Gennaro Aquino, Ingólf Svein Ingólfsson og Hlöðver Steina Hlöðversson. Einnig léku Eiríkur Logi Gunnarsson og Lúkas André Ólason með liðinu í vetur.
Uppfært 9.2.
