KR-C sigraði í 2. deild kvenna

Í fyrsta skipti var keppt í 2. deild kvenna í dag, og fór keppni fram í báðum deildum í Íþróttahúsinu við Strandgötu í Hafnarfirði. Fjögur lið voru skráð í deildina en Hvöt dró lið sitt til baka í síðustu viku.

KR-C vann báða leiki sína og sigraði því í 2. deild með 4 stig. Verði keppt í tveimur kvennadeildum á næsta ári leikur liðið í 1. deild. Lið BR varð í 2. sæti með 2 stig og lið Garps í 3. sæti. Hart var barist í leikjunum og mátti heyra hvatningaróp leikmanna í salnum.
Lið KR-C skipuðu Guðbjörg Vala Gunnarsdóttir, Helena Árnadóttir, Marta Dögg Stefánsdóttir, Natália Marchíniková og Þórunn Erla Gunnarsdóttir. Sigurliðið fékk sokka og kúlur frá pingpong.is.

Úrslit úr einstökum leikjum:
KR-C – BR 6-2
Garpur – BR 3-6
KR-C – Garpur 6-3