Á keppnitímabilinu 2021-2022 var keppt um 40 Íslandsmeistaratitla. Öll Íslandsmótin voru haldin auk þess sem keppt var í 3. deild í fyrsta skipti en flokkakeppni unglinga var felld niður.

KR vann flesta titla félaga, 14,5 talsins, Víkingur vann 12 titla, HK 5,5 titla og BH og Garpur 3 titla hvort félag. BR vann tvo titla, sem voru fyrstu Íslandsmeistaratitlar félagsins.

Víkingar unnu flesta titla í fullorðisflokkum, 9 talsins, þar af alla fimm titlana í meistaraflokki og Víkingar sigruðu í 1. deild kvenna. KR vann flesta titla í unglingaflokkum, 9 talsins en HK vann flesta titla í öldungaflokkum, 3,5 titla.

Sjá meðfylgjandi skjal: https://bordtennis.is/wp-content/uploads/2022/09/Islandsmeistaratitlar_2022.pdf

Alls dreifðust Íslandsmeistaratitlarnir á 50 einstaklinga. Guðbjörg Vala Gunnarsdóttir, KR, Nevena Tasic, Víkingi og Stella Karen Kristjánsdóttir, Víkingi, unnu flesta titla, eða fjóra hver. Nevena vann alla fjóra titlana í meistaraflokki kvenna.

Anna Sigurbjörnsdóttir, KR, vann þrjá titla, alla í öldungaflokki, Kristjana Áslaug Thors, KR og Listbeth Viðja Hjartardóttir, Garpi unnu þrjá titla hvor, alla í unglingaflokkum.

Alexander Ivanov, BH; Bjarni Þorgeir Bjarnason, HK; Björvin Ingi Ólafsson, HK, Daníel Bergmann Ásmundsson, Víkingi; Ingi Darvis Rodriguez, Víkingi; Magnús Jóhann Hjartarson, Víkingi; Pétur Stephensen, Víkingi; Tómas Holloway, KR og Örn Þórðarson, HK unnu tvo titla hver.

Alls voru veitt 140 verðlaun á Íslandsmótunum þetta árið. KR fékk langflest verðlaun eða 53,5, Víkingur fékk 22,5 og Garpur 20. Að auki fengu keppendur úr BH, HK, BR, Dímon, Umf. Selfoss, Akri, Umf. Samherjum og Erninum verðlaun á Íslandsmótum eða í deildakeppnum keppnistímabilsins.

Uppfært Íslandsmeistaratal með meisturum ársins er að finna undir Nýtt á bordtennis.is, hægra megin á síðunni, en er líka aðgengilegt hér: https://bordtennis.is/wp-content/uploads/2022/09/Islandsmeistaratal_1971-2022.pdf