Landsdómarapróf í borðtennis 10. febrúar
Þann 10. febrúar klukkan 18:00 verður haldið landsdómarapróf í borðtennis. Prófið fer fram í E-sal höfuðstöðva ÍSÍ, Engjavegi 6, Reykjavík. Prófið samanstendur af 25 fjölvalsspurningum og próftími er 1 klukkustund. Prófdómari er Pétur Marteinn Urbancic Tómasson, alþjóðadómari ITTF. Þeir sem óska eftir lengri próftíma eða hjálparrúrræðum setji sig í samband við [email protected].
Til prófs eru reglur ITTF, dómaraglærupakkar 1 & -2 og dómarahandbók ITTF (á ensku). Allt námsefni til prófs er að finna undir flipanum Dómarahornið efst á þessari síðu. Próftakendum er sérstaklega ráðlagt að kynna sér vel glærupakka 1 & 2. Ekkert aldurstakmark er til að taka prófið.
Skráning fer fram í gegnum netfangið [email protected]. Skráningargjald er 1.500 krónur sem greiðist inn á bankareikning BTÍ, r.nr.: 0334 26 050073, kt.: 5812730109. Sendið afrit af greiðslunni á [email protected] með skýringu „DÓMARAPRÓF“. Aðeins þeir sem hafa greitt skrásetningargjald hafa próftökurétt.
Bent er á að aðeins dómarar með landsdómararéttindi eða alþjóðadómararéttindi fá greitt fyrir dómgæslu sína á mótum BTÍ. Spurningar og ábendingar berist til [email protected].
