Leiðbeiningarreglur Borðtennissambands Íslands varðandi persónulegar myndbandsupptökur á mótum.

Að höfðu samráði við Persónuvernd og ÍSÍ hefur BTÍ fundað og ákveðið að gefa út eftirfarandi leiðbeiningar varðandi persónulegar myndbandsupptökur á mótum.

Varðandi leikmenn eldri en 18 ára:

Leikmenn og þjálfarar þeirra hafa heimild til að taka upp leiki á mótum til einkanota og þarf ekki að afla sérstaks samþykkis fyrir upptöku. Ef slíkt myndband er birt opinberlega þarf að afla samþykkis fyrir þeirri birtingu hjá þeim leikmanni sem keppt er við.

Varðandi leikmenn yngri en 18 ára:

Leikmenn og þjálfarar þeirra hafa heimild til að taka upp leiki á mótum til einkanota og þarf ekki að afla sérstaks samþykkis fyrir upptöku. Ef slíkt myndband er birt opinberlega þarf að afla samþykkis fyrir þeirri birtingu hjá forráðanda þess leikmanns sem keppt er við. Óski leikmaður sem keppt er við eða forráðandi hans eftir því að leikur verði ekki tekinn upp þá ber undantekningalaust að virða þá ósk.