Leikið í kvennadeildinni 11. nóvember – Gullfiskdeildin

Keppni í kvennadeildinni fer fram laugardaginn 11. nóvember í Íþróttahúsinu við Strandgötu í Hafnarfirði og hefst keppni kl. 10. Að þessu sinni verður leikin einföld umferð í deildinni í stað tvöfaldrar, en úrslitakeppni fer fram vorið 2024, um leið og úrslitakeppni í karladeildunum.

Stuðningsaðili deildarinnar er Von harðfiskverkun og hefur deildin fengið heitið Gullfiskdeildin. Efstu 3 liðin fá gjafapakka frá Von harðfiskverslun.

Alls eru 8 lið skráð í deildina, og því verður keppt í tveimur deildum. Þetta er metfjöldi liða sem keppir í kvennadeild og mjög ánægulegt að sjá þá fjölgun. Markmið BTÍ hefur verið að fjölga keppendum og styrkja kvennadeildina eftir nokkur mögur ár. Þetta er jafnframt í fyrsta skipti sem leikið verður í 2. deild kvenna. Gaman er að segja frá því að í liði Hvatar frá Blönduósi, sem sendir lið í fyrsta sinn til keppni, er skipað systrum.

Í 1. deild leika Íslandsmeistarar Víkings, KR-A, KR-B og BH.
Í 2. deild leika lið BR, Garps, Hvatar og KR-C.

Hvert lið leikur þrjá leiki, og hefst 1. umferð kl. 10.00, 2. umferð kl. 12.30 og 3. umferð kl. 15.00.

Röð leikja og leikmenn liðanna má sjá á vef Tournament Software:

1. deild: https://www.tournamentsoftware.com/sport/draw.aspx?id=9F6F993A-51FC-4278-BE23-648DC3BC8B19&draw=13

2. deild: https://www.tournamentsoftware.com/sport/draw.aspx?id=12318DF0-86BD-4652-824C-9D89E5C1E531&draw=9