Automatic translation by Google Translate. We cannot guarantee that it is accurate.

Magnús Gauti og Aldís Rún sigruðu á Grand Prix móti BH

Magnús Gauti Úlfarsson, BH og Aldís Rún Lárusdóttir, KR sigruðu á Grand Prix móti BH í borðtennis, sem fram fór í Íþróttahúsinu við Strandgötu sunnudaginn 3. apríl. Mótið var hluti af Grand Prix mótaröð Borðtennissambands Íslands.

Magnús Gauti lagði Ingólf S. Ingólfsson úr KR örugglega í úrslitaleiknum 4-0 (11-4, 11-8, 11-9, 11-3). Þetta var fyrsti sigur leikmanns úr BH á Grand Prix móti í borðtennis og hlaut Magnús í verðlaun þyrluflug fyrir tvo. Í undanúrslitum sigraði Magnús Jóhannes Bjarka Urbancic Tómasson úr BH í hörkuleik 4-3, en Jóhannes hafði slegið út næststigahæsta leikmanninn, Magnús Jóhann Hjartarson úr Víkingi. Í hinum undanúrslitunum vann Ingólfur Arnór Gauta Helgason úr Víkingi 4-0.

Leik Magnúsar Gauta og Ingólfs má sjá á YouTube: https://youtube.com/watch?v=zckc7cysb5w

GP BH 2016 konur

Aldís Rún vann Bergrúnu Lindu Björgvinsdóttur úr Dímon 4-2 (11-8, 7-11, 11-8, 11-8, 13-15, 12-10) í úrslitum og fékk í verðlaun gistingu fyrir tvo á Hótel Djúpuvík. Bergrún hefur hafið æfingar að nýju eftir nokkurra ára hlé frá æfingum og keppni. Hún vann Sigrúnu Ebbu Urbancic Tómasdóttur úr KR 4-2 í undanúrslitum en Aldís vann Ársól Arnardóttur úr KR 4-0 í hinum undanúrslitunum.

GP BH 2016 B-keppni ka

Kári Ármannsson sigraði í B-keppni karla, en hann var 4. stigahæsti keppnandinn og féll úr leik í aðalkeppninni eftir tap fyrir Magnúsi Gauta. Hann sigraði Ísak Indriða Unnarsson úr Víkingi 4-0 í úrslitum B-keppninnar. Ingi Brjánsson og Karl A. Claesson, báðir úr KR, höfnuðu í 3.-4. sæti.

GP BH 2016 B-keppni ko

Berglind Ósk Sigurjónsdóttir úr Víkingi varð hlutskörpust í B-keppni kvenna. Hún féll úr leik í aðalkeppninni eftir tap gegn Aldísi. Berglind lagði Karitas Ármannsdóttur úr KR 4-0 í úrslitum í B-keppninni. Stella Karen Kristjánsdóttir, Víkingi og Þórunn Ásta Árnadóttir úr Víkingi höfnuðu í 3. -4. sæti.

 

GP BH 2016 MGÚ og JBT

GP BH 2016 SET og BLB

GP BH 2016 ÍIU og IB

GP BH 2016 II

Myndir frá Borðtennisdeild BH. Þær sýna þá verðlaunahafa sem voru mættir við verðlaunaafhendingu og er Sigurður Valur Sverrisson, formaður BTÍ með á sumum myndanna. Auk þess má sjá Magnús Gauta og Jóhannes í leik, Sigrúnu Ebbu og Bergrúnu Lindu, sem og Inga Brjánsson og Ísak Indriða Unnarsson í B-keppni karla. Einnig Ingimar Ingimarsson, mótsstjóra.

Myndir frá Borðtennisdeild BH. Deildin setti upp Twitter reikning á mótinu og er slóðin www.twitter.com/BHBestiheimi

 

ÁMU

 

 

 

Aðrar fréttir