Matthias og Óskar með gull Ellert og Benedikt á palli í Gautaborg
Íslensku leikmennirnir héldu áfram keppni á Klubbresornars klubbresa mótinu í Gautaborg laugardaginn 8. júní. Annan daginn í röð náðu íslensku leikmennirnir á verðlaunapall, þar af unnu þeir til tveggja gullverðlauna. Matthias Sandholt sigraði í opnum flokki og Óskar Agnarsson sigraði í flokki undir 2150 stig. Þetta var eini flokkurinn sem Matthias lék í laugardaginn 8. júní en hinir íslensku leikmennirnir kepptu í tveimur flokkum hver.
Auk sigursins í flokki undir 2150 stig keppti Óskar í opnum flokki en tapaði öllum leikjunum í riðlinum þeim flokki.
Ellert Kristján Georgsson varð í 3.-4. sæti í flokki fyrir undir 2150 stig og vann einn leik í riðlinum í opnum flokki.
Benedikt Aron Jóhannsson varð í 3.-4. sæti í flokki undir 1350 stig og í 9.-10. sæti í flokki undir 1150 stig.
Magnús Jóhann Hjartarson og Pétur Gunnarsson urðu báðir í 9.-16. sæti í opnum flokki og í 5.-8. sæti í flokki undir 2150 stigum.
Guðbjörg Vala Gunnarsdóttir varð í 9.-16. sæti í flokki undir 1350 stig og vann einn leik í riðlinum í flokki fyrir undir 1150 stig.
Gestur Gunnarsson vann einn leik í riðlinum í flokki undir 2150 stig en tapaði öllum leikjunum í riðlinum í opna flokknum.
Helena Árnadóttir vann einn leik í riðlinum í flokki undir 950 stig en tapaði öllum leikjunum í riðlinum í flokki undir 850 stig.
Aldís Rún Lárusdóttir tapaði öllum leikjunum í riðlinum, bæði í undir 1450 og undir 1750 stiga flokki.
Hér má sjá úrslitin úr leikjum á mótinu: https://resultat.ondata.se/001035/
Forsíðumynd af Óskari úr myndasafni og mynd af Matthíasi á þessari síðu.
