Automatic translation by Google Translate. We cannot guarantee that it is accurate.

Mót keppnistímabilsins og Ársþing BTÍ

Á fundum stjórnar Borðtennissambands Íslands dags. 27. apríl og 4. og 5. maí 2020 hafa eftirfarandi ákvarðanir verið teknar.

Þau mót sem eftir voru af mótaskrá vors 2020 falla niður að öðru leyti en:

-Íslandsmóti unglinga verður frestað fram á haust. Í samráði við mótshaldara (KR) og formenn félaga BTÍ er stefnt að því að mótið fari fram síðustu helgina í september (26.- 27. sept.).

-Úrslitakeppni 1. og 2. deildar fer fram helgina á undan (19.-20. í sept., undanúrslit á laugardegi og úrslit á sunnudegi, fyrir utan að úrslit 2. deildar verði síðasti leikur laugardags) með eftirfarandi fyrirvara: 

Eins og stendur heimila reglur stjórnvalda ekki að úrslitakeppnin fari fram og skiptir þar mestu að fjarlægðarreglur banna að leikinn sé tvíliðaleikur. Vonandi þróast baráttan við veiruna áfram með réttum hætti á komandi vikum og mánuðum og mun ný stjórn leggja mat á hvort úrslitakeppnin gangi samkvæmt fyrirmælum ráðherra um innanhússíþróttir haustsins eigi síðar en 1. september 2020. Með þessum hætti fá leikmenn og aðrir innan hreyfingarinnar staðfestingu eða niðurfellingu með nægum fyrirvara, út frá gildandi forsendum og geta skipulagt sig miðað við það. Frekari frestanir munu ekki eiga sér stað. 

Varðandi borðtennisþingið sem BTÍ heldur annað hvort ár, m.a. til að kjósa stjórn, hefði það undir venjulegum kringumstæðum átt að vera eigi síðar en 1. júní nk. Í ljósi aðstæðna (einkum fjölda- og fjarlægðartakmarkana stjórnvalda sem munu gilda út maímánuð) ákvað stjórnin að betra sé að funda eftir hásumarið, þ.e. laugardaginn 8. ágúst nk. kl. 13:00. Fundurinn verður í húsnæði ÍSÍ við Engjaveg 6, 104 Reykjavík nema annað verði tilkynnt síðar. Möguleikar á útsendingu fundarins til þeirra sem ekki eiga kost á að komast á staðinn verða kannaðir. Auglýsing um þingið verður birt mánuði fyrir þing.

Stjórn BTÍ

Aðrar fréttir