Norbert sigraði á Stórmóti HK og Stiga
Norbert Bedö, KR, sigraði á Stórmóti HK og Stiga, sem fram fór í Íþróttahúsi Snælandsskóla laugardaginn 13. nóvember. Leikið var í opnum flokki karla en keppni í kvennaflokki féll niður. Í karlaflokki var fyrst keppt í riðlum en síðan leikið upp úr riðlunum með útslætti. Alls voru 24 leikmenn skráðir til leiks.
Norbert sigraði Björn Gunnarsson, HK í úrslitum. Óskar Agnarsson, HK og Skúli Gunnarsson, KR, höfnuðu í 3.-4. sæti.
Verðlaunahafar fengu gjafir frá Ping Pong.is, umboðsaðila Stiga á Islandi og frá Nóa-Síríus.
Forsíðumynd af verðlaunahöfum frá Reyni Georgssyni.
