Pétur Gunnarsson í ham á EM unglinga (Mynd: Finnur Hrafn Jónsson)

Nú er lokið liðakeppni fyrstu tveggja daganna á EM unglinga í Ostrava. Íslensku liðin hafa tapað öllum leikjum sínum til þessa. Allir töpuðust 0-3 nema að drengjaliðið tapaði 1-3 gegn Finnlandi. Pétur Gunnarsson vann þann leik 12-10 í oddalotu.

Þá vann Björn Gunnarsson lotu gegn Ísrael og var nálægt því að vinna aðra. Breki og Dagur unnu lotu í tvíliðaleik gegn Sviss. Nokkrar lotur hafa tapast með tveggja stiga mun.

Leikið verður áfram í liðakeppni 14. júlí. Íslensku stúlkurnar leika í riðli Q með Noregi og Finnlandi. Drengirnir leika líka í riðli Q með Eistlandi og Wales. Sveinarnir eru í riðli O með Búlgaríu og Lúxemborg.

ÁMU