Sigur gegn Wales í drengjaflokki

Síðustu leikir í liðakeppninni á EM unglinga voru leiknir þann 16. júlí. Einn sigur vannst, þegar júníor drengirnir drengirnir lögðu Wales, 3-2.

Í leik drengjanna gegn Wales vann Matthías Sandholt báða einliðaleiki sína, annan 3-0 og hinn 3-2. Eiríkur Logi Gunnarsson vann lokaleikinn 3-0 en Alexander var 3. maður og tapaði sínum leik 7-11 í oddalotu.
Með sigrinum gegn Wales keppi liðið við Írland um sæti 37. Leikurinn var enn einn jafni leikur liðsins, þar sem Matthías vann báða leiki sína 3-1. Eiríkur tapaði 1-3 og 0-3 og Alexander tapaði 1-3, svo leikurinn tapaðist 2-3 og Ísland hafnaði í 38. sæti af 41 liði.

Kadettlið meyja lék lokaleik sinn gegn Wales og tapaði 0-3 án þess að vinna lotu. Liðið lauk keppni í 37. og neðsta sæti en vann fleiri einstaklingsleiki og lotur en mörg meyjalið Íslands hafa gert í gegnum tíðina.

Kadettlið sveina lék gegn Eistlandi og Kýpur um sæti 35-37. Báðir leikirnir töpuðust 0-3. Kristján Ármann vann lotu í einliðaleik og Kristján og Lúkas Ólason unnu lotu í tvíliðaleik gegn Eistlandi. Liðið varð í 37. sæti af 38 liðum, en liðið fékk ekki að spila við Möltu sem varð í 38. sæti.

Keppni í einstaklingsgreinum hefst 17. júlí, Dregið hefur verið í riðla í einliðaleik og í útsláttartöflur í tvíliðaleik og tvenndarleik. Hér má sjá leiki íslensku leikmannanna:

https://www.ettu.org/en/events/european-youth-championships/draws–amp–results/

Forsíðumynd af drengjaliðinu frá Auði Tinnu Aðalbjarnardóttur.