Evrópumeistaramótinu í borðtennis lauk í München í Þýskalandi með úrslitaleikjum í einliðaleik karla og kvenna. Uppselt var á leikina, sem voru sýndir í beinni útsendingu á RÚV2. Tveir nýir meistarar voru krýndir að loknum úrslitaleikjunum.

Í einliðaleik kvenna varð hin austurríska Sofia Polcanova Evrópumeistari eftir 4-0 sigur á Ninu Mittelham frá Þýskalandi. Polcanova vann fyrstu lotuna 11-9 en í 2. lotu hafði hún algjöra yfirburði og vann 11-2. Mittelham tók hlé vegna meiðsla sem hún fann fyrir eftir lotuna. Hún reyndi að hefja leik í 3. lotunni en gaf leikinn eftir þrjú stig. Hinar þýsku Xiaona Shan og Sabine Winter fengu bronsverðlaun.

Polcanova varð einnig meistari í tvíliðaleik kvenna.

Í karlaflokki varð hinn þýski Dang Qui meistari eftir 4-1 sigur á Darko Jorgic frá Slóveníu. Jorgic vann fyrstu lotuna og Qui þá næstu en þær voru báðar jafnar. Dang náði svo smám saman tökum á leiknum og vann í fimm lotum. Svíarnir Kristian Karlsson og Mattias Falck urðu í 3.-4. sæti.

Myndir teknar af vef ETTU.