Staðan í Grand Prix og aldursflokkamótaröðunum að loknum fjórum mótum

Í meðfylgjandi skjölum má sjá stöðuna að loknum fjórum mótum í Grand Prix og Aldursflokkamótaröðunum.

Í Grand Prix mótaröðinni er Magnús Gauti Úlfarsson, BH  efstur í karlaflokki með 18 stig. Davíð Jónsson, KR, Magnús Jóhann Hjartarson, Víkingi og Sindri Þór Sigurðsson, Víkingi hafa 8 stig.

Í kvennaflokki er Aldís Rún Lárusdóttir, KR efst með 16 stig. Auður Tinna Aðalbjarnardóttir, KR hefur 12 stig og Stella Karen Kristjánsdóttir, Víkingi hefur 10 stig.

Í Aldursflokkamótaröðinni hafa tveir keppendur unnið öll fjögur mótin í sínum flokki. Það eru Ársól Clara Arnardóttir, KR í stúlknaflokki og Eiríkur Logi Gunnarsson, KR í piltaflokki. Tveir leikmenn hafa unnið þrjú af fjórum mótum, þau Agnes Brynjarsdóttir, Víkingi í telpnaflokki og Alexander Ivanov, BH í hnokkaflokki. Aðrir leikmenn sem eru efstir í sínum flokki eru: Guðbjörg Vala Gunnarsdóttir, KR í tátuflokki; Thor Thors, KR í sveinaflokki; Þóra Þórisdóttir, KR í meyjaflokki og Ellert Kristján Georgsson, KR og Magnús Gauti Úlfarsson, BH í drengjaflokki.

Staðan í Grand Prix mótaröðinni: Grand prix mótaröðin 2017-18

Staðan í Aldursflokkamótaröðinni: Aldursflokkamótaröðin 2017-18

ÁMU (fyrst birt 5.2.2018)