Styrkleikalisti 1. janúar 2017 birtur
Styrkleikalisti fyrir 1. janúar 2017 (nefndur eftir viku 1) hefur verið birtur á vefnum, með fyrirvara um réttar skráningar.
Frá því að styrkleikalistinn fyrir 1. desember var birtur hafa þessi mót verið lesin inn í listann:
- Subway stigamót Víkings, 10. desember
- 5. og 6. umferð í 1. deild karla og kvenna 4. desember
- Leikir í 2. deild, sem fram fóru í desember
Þrjá nýja leikmenn vantar á listann sem tóku þátt í Subway móti Víkings, þar sem kennitala þeirra barst ekki frá mótshaldara. Þetta eru þeir Aurimas Grabauskas, HK, Guðmundur Kjartansson, Víkingi og Manh Vu Duong, Víkingi. Þeir léku hver um sig einn leik og töpuðu honum og eiga því að vera rétt undir 1200 stigum á styrkleikalistanum. Reynt verður að finna leið til að bæta þeim inn á listann og jafnframt að þeir sem unnu þessa leiki fái stig fyrir þá.
Enn á eftir að ljúka vinnu við að fjarlægja konur, sem ekki hafa leikið síðan 2012 af listanum. Henni verður haldið áfram á næstunni. Upphaf árs 2013 var valið sem viðmið, þar sem það er viðmiðið fyrir virka leikmenn vegna úthlutunar fulltrúa á ársþing BTÍ 2016.
Til að finna stig leikmanna, sem léku árið 2012 eða fyrr en ekki eru virkir lengur, þarf að fletta þeim upp í Excel skjalinu Styrkleikalisti 1. nóv.2015, sem er að finna í hægri dálkinum á síðunni, undir Nýtt á bordtennis.is.
Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann telur ekki með leiki í deildarkeppninni.
Ef eitthvað er vitlaust skráð, vinsamlegast hafið samband við Ástu ([email protected]) eða Hlöðver ([email protected]).
ÁMU
