Automatic translation by Google Translate. We cannot guarantee that it is accurate.

Styrkleikalisti 1. janúar 2019 hefur verið birtur

Styrkleikalisti fyrir 1. janúar 2019 (kallaður eftir viku 53) hefur verið birtur á vefnum, með fyrirvara um réttar skráningar.

Frá því að síðasti listi var birtur hafa Grand Prix mót Víkings og aldursflokkamót Víkings, sem haldin voru 8.-9. desember verið lesin inn í styrkleikalistann.

Við uppfærslu á þessum lista endurheimti Magnús K. Magnússon, Víkingi, efsta sætið á karlalistanum sem hann deildi með Magnúsi Gauta Úlfarssyni úr BH með sigri á Grand Prix mótinu en Magnús Gauti keppti ekki í desember. 

Mateusz Piotr Kanarek úr Akri var metinn inn á listann með 1803 stig byggt á úrslitum á sínum fyrstu mótum. 

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu ([email protected]) eða Hlöðver ([email protected]).

Á forsíðumyndinni má sjá Magnús K. Magnússon á eldri mynd.

 

ÁMU

Aðrar fréttir