Styrkleikalisti fyrir 1. desember hefur verið birtur

Styrkleikalisti fyrir 1. desember 2022 (kallaður eftir viku 49) hefur verið birtur á vefnum, með fyrirvara um réttar skráningar. Við þessa uppfærslu hafa Stórmót HK 12. nóvember, PingPong mót KR 19. nóvember, Pepsimót Víkings 20. nóvember og leikir í deildakeppninni frá 1. til 30. nóvember verið lesin inn í styrkleikalistann.

Við þessa uppfærslu gerðist það m.a. markvert að Ladislav Haluska, Víkingi, og Þorbergur Freyr Pálmarsson, BH unnu sig upp í 1. flokk í 1. skipti.

Nokkrir nýir leikmenn voru metnir inn á listann vegna árangurs í leikjum í haust, m.a. þau Jörg Sonnentag, BH, Mariusz Rosinski, Víkingi og Paulina Lukasik, BR.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu, [email protected].

Forsíðumynd af Þorbergi úr myndasafni.