Styrkleikalisti fyrir 1. maí hefur verið birtur

Styrkleikalisti fyrir 1. maí 2025 (kallaður eftir viku 19) hefur verið birtur á vefnum, með fyrirvara um réttar skráningar.

Frá því að síðasti listi var birtur hafa þessi mót verið lesin inn í listann:
Úrslitaleikir í deildakeppninni og umspilsleikur um sæti í 2. deild 5. apríl
3. unglingamót HK 6. apríl
Stóra Víkingsmótið 12. apríl
Opið mót á Kirkjubæjarklaustri 12. apríl
Opið mót í Suðursveit 13. apríl
Garpsmótið 26. apríl
Bikarkeppni BTÍ 27. apríl

Í þessum mánuði komu 29 nýir leikmenn inn á styrkleikalistann, aðallega vegna mótanna á Suðurlandi. Meðal nýrra leikmanna var Matthías Þór Sandholt, BH, sem kemur nýr inn á listann í 2. sæti karlalistans byggt á úrslitum í úrslitaleik í 1. deild karla.

Alexander Fransson Kleck, Carl Sahle og Vivian Huynh eru ekki með íslenska kennitölu og þeirra leikir telja því ekki á styrkleikalistanum.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildakeppninni.

Ef eitthvað er vitlaust skráð, vinsamlegast hafið samband við Ástu, [email protected].

Á forsíðunni má sjá Matthías Þór Sandholt, BH úr myndasafni frá úrslitaleiknum í 1. deild karla.