Styrkleikalisti fyrir 1. október 2022 (kallaður eftir viku 40) hefur verið birtur á vefnum, með fyrirvara um réttar skráningar. Við þessa uppfærslu hafa Belgíumót BTÍ 7. ágúst og unglingamót HK 24. september verið lesin inn í styrkleikalistann.

Frá því að síðasti styrkleikalisti keppnistímabilsins 2021-2022 var birtur í júní sl. hafa þeir leikmenn verið fjarlægðir af virka listanum sem léku síðast árið 2018. Flestir leikmenn hafa því hækkað á listanum frá síðasta vori. Það á sérstaklega við í kvennaflokki þar sem þrjár af fimm stigahæstu konum á listanum sl. vor eru ekki lengur á virka listanum. Nevena Tasic er því í fyrsta skipti orðin efst á styrkleikalista kvenna.

Á listanum sem nú birtist eru því eingöngu leikmenn sem hafa leikið árin 2019-2022.

Í viðhengi má sjá þá leikmenn sem voru fjarlægðir af virka listanum í sumar.

Verið er að vinna lista til uppflettingar á stigum þeirra leikmanna sem eru ekki lengur á virka listanum.

Til að skoða styrkleikalistann er valinn flipinn Styrkleikalisti efst á þessari síðu, og er þá hægt að skoða listann og fletta upp einstökum leikmönnum og þeim leikjum sem telja á listanum. Talan fjöldi móta, fyrir aftan hvern leikmann, telur ekki með leiki í deildarkeppninni.

Ef eitthvað er vitlaust skráð, vinsamlegast hafið samband við Ástu ([email protected]).

https://bordtennis.is/wp-content/uploads/2022/10/Konur-leku-sidast-2018.pdf

https://bordtennis.is/wp-content/uploads/2022/10/Karlar-leku-sidast-2018.pdf