Automatic translation by Google Translate. We cannot guarantee that it is accurate.

Tap gegn Írlandi í lokaleik B-riðils

Íslenska karlaliðið tapaði 0-3 í lokaleik B-riðils í forkeppni fyrir liðakeppni EM, en leikið er í Sarajevo í Bosníu Herzegóvínu. Liðið tapaði öllum viðureignunum án þess að vinna lotu þótt nokkrum lotum hafi lokið með tveggja stiga mun.
Ingi Darvis Rodriguez var því miður veikur og gat ekki leikið sinn leik. Vonandi getur hann aftur leikið með þann 24. janúar.

Liðið lauk því keppni í 4. sæti af 5 liðum í B-riðli.

Liðið leikur svo í milliriðli 1 þann 24. og 25. janúar. Alls eru fjórir milliriðlar en liðin sem voru í neðstu sætum fyrstu riðlanna (A-D) leika um sæti 17-21. Ísland mun því ljúka keppni ofar en sæti 17.

Leikir liðsins í milliriðli eru þessir:

24. janúar kl. 12.30. Ísland – Grikkland

24. janúar kl. 19.30. Ísland – Tyrkland

25. janúar kl. 12.30. Ísland – Lúxemborg

Forsíðumynd af Magnúsi Gauta úr myndasafni.

Aðrar fréttir