Borðtenniskeppni Smáþjóðaleikanna hófst með liðakeppni 28. maí. Íslensku konurnar riðu á vaðið og léku við Möltu en bæði liðin léku svo við Mónakó. Allir þessir leikir töpuðust 0-3, skv. upplýsingum á fésbókarsíðu BTÍ, þar sem fylgst er með leikunum.

Leikið er í riðlum, og eru sex lið í kvennakeppninni og sjö í karlakeppninni. Skv. úrslitasíðunni á vef leikanna eru þau sýnd í einum riðli fyrir hvort kyn, en í lýsingu á fyrirkomulagi keppni er sagt að skipt verði í tvo riðla.

Skv. vef ÍSÍ er sagt að sigri karlalið Íslands lið Montenegro kl. 11.45 að staðartíma þann 29. maí muni liðið komast í undanúrslit. Íslensku konurnar leika einnig við Montenegro en kl. 10 að staðartíma.

Úrslit úr einstökum leikjum

Konur

Ísland – Malta 0-3

Skv. vef leikanna lék Sól Kristínardóttir Mixa þennan leik en þar sem hún er ekki í liðinu hefur það væntanlega verið Agnes og/eða Stella sem lék þar sem nafn Sólar kemur fram.

  • Sól Kristínardóttir Mixa – Viktoria Lucenkova 0-3 (4-11, 4-11, 5-11)
  • Aldís Rún Lárusdóttir – Anthea Cutajar 0-3 (13-15, 5-11, 4-11)
  • Aldís/Sól – Cutajar/Lucenkova 0-3 (5-11, 3-11, 4-11)

Ísland – Mónakó 0-3

Ekki eru upplýsingar um úrslit þessa leiks á vef leikjanna þegar þetta er ritað.

Karlar

Ísland – Mónakó 0-3

  • Magnús Gauti Úlfarsson – Martin Tiso 1-3 (6-11, 7-11, 11-6, 6-11)
  • Ingi Darvis Rodriguez – Anthony Geminiani 0-3 (2-11, 5-11, 8-11)
  • Ingi/Magnús Jóhann Hjartarson – Geminiani/Tiso 0-3 (9-11, 4-11, 8-11)

Tags

Related